La Roche Posay LIPIKAR linija (recenzija)

Prošle su tačno dvije godine kako se kroz moje tekstove provlači tema o atopijskom dermatitisu. Nakon što smo imali postavljenu dijagnozu od strane našeg doktora dobili smo sjajnu terapiju koja je opet zahtjevala i potpunu promjenu načina njege kože kao i preparata koje smo do tada koristili. Vjerujte mi da o tome nisam ni razmišljala ranije ali bih zato danas, sa ove tačke gledišta, svakoj majci preporučila da odmah po rođenju svoje bebice obrati pažnji na njegu i proizvode koje koristi. Strahinja nije imao nikakvih predispozicija za dobijanje ovog oboljenja (barem koliko ja znam), to se jednostavno desilo u jednom momentu, potpuno neočekivano. Niko od nas nije nije imao susret sa tom bolesti, čak ni u najranijem periodu života.

Koji proizvodi iz Lipikar linije su najbolji za bebe a koji su namjenjeni djeci i odraslima?

Za bebe koje imaju AD najbolje je idete sa Lipikar Baume AP+ i Lipikar Syndetom AP+ ili uljnom kupku. Ovi proizvodi visoke tolerancije prošli su potrebna testiranja kako bi se osigurala veća sigurnost te su u potpunosti primjereni za korištenje kod atopijskog dermatitisa.

Što se tiče odraslih i djece koji imaju izuzeno suvu kožu preporuka je da probate Lipikar Baume AP+ koji pomaže u obnovi zaštitnog sloja kože i umiruje svrbež te smanjuje češanje. A što se higijene tiče tu možete prema sopstvenom ukusu birati između kremastog ili uljanog proizvoda.

La Roche Posay LIPIKAR BAUME AP+ je balzam koji trenutno umiruje osjetljivu kožu te pomaže da se faze pogoršanja suhoće kože rjeđe pojavljuju. Proizvod sadrži novi, inovativni aktivni sastojak Aqua Posae Filiformis koji pomaže ponovno uspostavljanje i stabilizuje ravnotežu kožnog mikrobioma i obnavlja i čuva zaštitnu funkciju kožne barijere. Jako mi se sviđa tekstura jer se brzo upija, nemasna je i neljepljiva te kožu čini mekom i pruža joj dugotrajnu ugodu. Jako lijep, hranjiv proizvod koji ne ostavlja težak film na koži.

Proizvod dolazi u ambalaži od 400ml sa pumpicom i u tubi od 200 ml.

La Roche Posay LIPIKAR SYNDET AP+ je nježni gel za pranje kože tijela koji je namjenjen bebama, djeci i odraslim ljudima sa veoma suvom i osjetljivom kožom koja je čak i iritirana, često sklona svrabu koja provocira češanje. Ovaj proizvod je idealan za kožu sklonu atopiji te kožu glave i tretman tjemenjače kod beba.  Ima laganu, nježnu  teksturu koja je obogaćena karite puterom i niacinamidom. Lipikar Sydent AP+ odlično čisti kožu i kosu beba i nije agresivan te ne ostavlja osjećaj zategnutosti i ne pecka za oči.

Proizvod dolazi u ambalaži od 400ml sa pumpicom i u tubi od 200 ml.

La Roche Posay LIPIKAR CLEANSING OIL AP+ je ulje za tuširanje namjnjeno takođe uzetno suvoj iosjetljivoj koži. Sadrži niacinamid za obnovljanje zaštitnog sloja kože i umirivanje osjećaja zatezanja te karite maslac za intenzivno vraćanje lipida.

Ovo ulje je PH neutralno i u sastavu nema parabene, sapun, alkohol niti vještačke boje. Ima blag, gotovo neosjetan miris i prilikom upotrebe minimalno pjeni. Nema potrebe da pretjerujete sa količinom jer će jedna pumpica završiti posao a koža će biti  glatka i mekana. Ovo je naš favorit kada je kupanje u pitanju, Strahinjina koža jako dobro reaguje na uljane kupke i uvijek se iznova i iznova vraćamo Lipikar ulju. Sjajan proizvod!

La Roche Posay LIPIKAR STICK AP+ je proizvod za koji na žalost nisam čula ranije. Radi se o stiku koji je namjenjen koži sklonoj atopiji koja je podložna svrbežu i češanju. Može se koristiti od najranijeg uzrasta i potpuno je bezbjedan za upotrebu. Stick sadrži sastojke koje omogućuju trenutno smirivanje kože i ublažavanje potrebe za češanjem, karite maslac vraća lipide koži dok cinkov glukonat pomaže kod obnove. Mala, praktična ambalaža je pogodna za nošenje u džepu ili torbici a aplikacija izuzetno jednostavna, dovoljno je stikom preći direktno preko problematičnih dijelova te ostaviti da proizvod djeluje odnosno smiri i nahrani kožu.

Takođe se želim pomenuti koji nije iz ove linije ali ga vidite na fotografijama jer je takođe bio dio ovog PR paketa. Riječ je o Cicaplast Baume B5 umirujućem balzamu koji pospješuje proces obnavljanja kože i koji nam doslovno spašava život od kada ga imamo.

Balzam je namjenjen za osjetljivu kožu, čak i kožu beba, pošto je hipoalergen, bez paraben, mirisa i bez lanolina. Sadrži La Roche-Posay termalnu vodu bogatu selenom, pantenol, Madecassosside i Procerad – patentirani ceramid koji doprinosi zaštitnoj funkciji kože. Lagano se nanosi, ima divnu puterastu teksturu i ne ostavlja kožu masnom i ljepljivom. Pogodan je za svakodnvenu upotrebu, a mi a najčešće koristimo za tretiranje poderotina, ogrebotina i svih drugih iritacija i sitnih povreda kojih sa dvoje male djece ima koliko želite.

NAPOMENA: Na kraju se moram osvrnuti i na naše iskustvo sa kortikosteroidima i panični strah svake mlade majke kada čuje ovu riječ. Jasno je da je u najvećem broju slučajeva osnovni vid liječenja atopijskog dermatitisa pravilno prepisana kortikosteroidna terapija od strane dermatologa ali to nije smak svijeta. Drage mame, budite sigurne da kortikosteroidi predstavljaju sigurni oblik terapije ako se troše kontrolisano i pod nadzorom ljekara. Zapravo je u cijeloj priči najbitnije da ste vi informisane i motivisane.  Za sve ostalo tu je La Roche- Posay Lipikar linija koja će omogućiti koži da se što prije oporavi i da simptomi budu što rijeđi, dok na kraju u potpunosti ne stanu.

Da li ste se susreli sa ovim problemom ranije?

Pišite mi i svoja iskustva sa preparativom koju ste probale? Naročito ukoliko ste koristile LRP Lipikar proizvode.